Организаторите на Параолимписките игри во Лондон денеска соопштија дека продале рекордни 2,1 милион билети.
Популарноста на Олимписките игри во Лондон се преслика и на Параолимписките игри, така што минатиот месец се продадени повеќе од 600.000 билети за настанот, кој ќе трае од 29 август до 9 септември.
Да продадете толку голем број карти за Параолимписките игри три недели пред отворањето е апсолутно фантастично и покажува ненаситен апетит на јавноста за врвен спорт, се наведува во соопштението на претседателот на Меѓународниот параолимписки комитет Филип Каверн.
Орагнизаторите планираат да продадат 2,5 милиони влезници.
Почетоци на Параолимписките игри се натпреварувањата на 16 повредени ветерани од Втората светска војна пред 64 години во болницата Сток Мендевил во јужниот дел на Англија. Првата Параолимпијада е одржана 12 години подоцна во Рим.
Билетите за параолимписките натпреварувања во атлетика и пливање веќе се распродадени.
На Параолимпискиет игри ќе учествуваат околу 4.200 спортисти, а 16 земји ќе дебитираат на Игрите, меѓу кои Северна Кореја и Демократска Република Конго.