Кошаркарите на првакот на НБА лигата Голден Стејт со победа на домашен терен го почнаа плеј офот и одбраната на титулата. Фуриозниот старт на „воините“ им донесе предност уште во првиот период од 33:15, а Стеф Кари постигна 16 поени во тој дел од играта.
Расположениот бек дуелот го заврши со 24 поени и 20 минути игра откако кон крајот на вториот период се пожали на болка во скочниот зглоб. Проба да игра и во вториот дел. но мина само три минути на теренот. Неизвесен е неговиот настап на следниот натпревар што се игра во понеделник.
Најнеизвесно беше на дуелот во Атлната каде Бостон загуби со само еден поен разлика. Шампионот Голден Стејт и тимот на Оклахома Сити славеа убедливи победи, додека Индијана го направи единствениот брејк со триумфот на теренот на Торонто.
Постигнати резултати:
Торонто – Индијана 90:100,
Голден Стејт – Хјустон 104:78,
Атланта – Бостон 102:101 и
Оклахома – Далас 108:70.
Вечерва се играат првите натпревари на Западот:
Кливленд – Детроит,
Мајами – Шарлот,
Сан Антонио – Мемфис и
ЛА Клиперс – Портланд.