Најдобрата македонска тенисерка, Лина Ѓорческа обезбеди пласман во четвртфиналето од силни ИТФ турнир кој се одржува во унгарискиот град Ходмезевашархељ.
Во мечот од осминафиналната рунда на турнирот вреден 25.000 долари, Ѓорческа за противничка ја имаше белоруската тенисерка Вера Лапко која ја победи со 2-1 во сетови.
Имено, Ѓорческа го загуби првиот сет со 6:3, но прекинот кој следуваше поради дожд, добро и дојде на македонската тенисерка.
Во продолжение Ѓорческа заигра на посакуваното ниво, па вториот и третиот сет ги доби со 6:4 и 6:3 со што се пласира во четвртфиналето.