Македонската тенисерка Лина Ѓорческа успеа да се пробие меѓу 150-те најдобри на ВТА листата во двојки. Таа на денешното рангирање се најде на 146 место откако и беа запишани 150 нови поени освоени на турнирите во Сен Мало (Франција) и во Добрич (Бугарија).
Македонката која претходната недела беше 175-та сега има вкупно 491 поен.
И во сингл конкуренција таа има скок и сега со вкупно 249 и се наоѓа на 210 место (претходно беше 222).
Напредок на ВТА листата има и Магдалена Стоилковска. Таа се наоѓа на 1155 место во сингл (беше 1197) и на 1060 место во двојки или три места подобро од претходното рангирање.