Размислувам за пензија, повеќе за тоа како ќе изгледа кога ќе се случи. Мислам дека е доволно, ќе одлучам кога ќе губам почесто, кога ќе почувствувам дека повеќе не можам да се натпреварувам за најголемите трофеи, изјави Новак Ѓоковиќ.
Победникот на рекордни 24 Грен слемови даде големо интервју за магазинот GQ, каде зборуваше и за тоа како неговиот татко Срѓан го „убедувал“ да ја заврши кариерата.
– Се чувствувам како луѓето веќе некое време да ми пишуваат тениски „некролог“. Првиот што го започна беше татко ми, иако не знам колку ќе му се допадне што го кажувам ова. Се обидуваше да одредено време да ме убеди да се повлечам, но не инсистираше. Тој ги разбира и ги почитува моите одлуки, но често ме прашува што друго сакам да постигнам. Тој е свесен за стресот и напнатоста кои влијаат на мојот ум и тело, истакна Ѓоковиќ.