Најдобриот светски тенисер Новак Ѓоковиќ се пласира во четвртфиналето на Грен слемот Вимблдон откако попладнево во решавачкиот петти сет беше подобар од Кевин Андерсон со 7:5 за конечни 3-2 во сетови.
Мечот почна вчера и беше прекинат при резултат 2:2 во сетови поради темница, а денеска доцнеше поради дожд.
Андресон вчера поведе со 2:0 во сетови добивајќи ги двата сета во тај брејк идентично со 8:6 на поени. Ѓоковиќ беше поуспешен во следните два сета со 6:1 и 6:4 во гемови.
Ѓоковиќ утре за место во полуфиналето ќе игра против Марин Чилиќ.
Денеска на Вимблдон се играат четвртфиналните мечеви во женска конкуренција.
Двојките се: Марија Шарапова – Коко Вандевеге, Гарбине Мугуруза – Тимеа Башчински, Серена Вилијамс – Викторија Азаренка и Медисон Кејс – Агнешка Радванска.