Српскиот тенисер Новак Ѓоковиќ во втората рунда го победи Словенецот, Блаж Кавчиќ во три сета 6:0, 6:4, 6:4. Ѓоковиќ експресно го доби првиот сет, но во следните два не бееше така лесно, по 134 минути игра забележа победа.
Пласман во третата рунда избори и Швајцарецот Рожер Федерер. Третиот носител на Ролан Гарос, загуби еден сет во дуелот со Романецот Адријан Унгур, на теренот мина 147 минути за да стигне до победата од 6:3, 6:2, 6:7, 6:3.
Деветиот носител на турнирот Хуан Мартин дел Потро за пласман во третото коло мораше да одигра меч кој траеше три часа и 39 минути. Дел Потро во четири неизвесни сета го победи домашниот тенисер Едуард Роже-Васелин со 6:7, 7:6, 6:4, 6:4.
Второто коло го мина и 21-от фаворит на турнирот, Хрватот Марин Чилиќ. Тој со 7:6, 6:2, 6:3, за 133 минути игра го победи Шпанецот Хуан Карлос Фереро.