Тениската репрезентација на Франција е првиот финалист оваа сезона во Дејвис купот, откако во полуфиналето против Србија го освои и третиот поен.
Решавачкиот поен за „триколорите“ го донесе Жо Вилфред Цонга откако во првиот денешнен сингл меч го победи Душан Лајовиќ.
Тенисерот од Србија добро го почна мечот и го доби првиот сет со 6:2, но следуваше пресвртот на Цонга. Тој ги доби следните три сета со 6:2; 7:6 (7:5) и 6:2 за конечни 3-1 во сетови и 3:1 во мечот за Франција.
Нивни ривал во дуелот за титулата ќе биде победникот од второто полуфинале Белгија – Австралија. Гостите од Австралија водат со 2:1 во добиени мечеви, а во денешниот прв сингл меч играат Давид Гофан против Ник Кириос.