Ракометарките на Црна Гора, новите шампионки на Европа, беа пречекани во преполната спортска сала „Морача“ во Подгорица.
И покрај лошото време, на славењето во чест на новите прваци на Стариот континент се појавија најмалку седум илјади луѓе.
Ракометарките допатуваа околу два часа по полноќ, а прв на навивачите им се обрати селекторот Драган Аџиќ.
„Знам дека долго чекавте, но имавте и кого да чекате. Ова се големи хероини, современи, младоста на Црна Гора. Ви благодарам на се, ве сакаме“, рече Аџиќ.
[nggallery id=116]
„Две медали во рок од четири месеци, па луѓе… Но никогаш не е многу. Златото е тука, ја позлативме оваа година. Благодарам што од почетокот до крајот на оваа година бевте со нас. Благодарност и до моите соиграчи, за кои велам дека се мојата фамилија“, вели Ана Ѓокиќ.
[nggallery id=117]
Капитенот Мара Јовановиќ излезе со пехарот.
„За нас дефинитивно не постојат граници. Мислам дека конечно го оправдавме името „Златни лавици“, рече Јовановиќ.
Еве дел од славењето по улиците непосредно по освојувањето на титулата.