Фотографија на Ванчо Џамбаски од годинaшниот Виз Ер Скопски маратон, се најде на насловната страна на најновото издание на најпрестижниот магазин за маратонско и улично трчање во светот Distance Running. Овој магазин го издава AIMS (Association of International Marathons and Distance Races), и се дистрибуира на глобално ниво во над 500.000 примероци.
Како што информираат од Виз Ер-Скопски маратон, препознатливоста на Скопскиот маратон како име и спортски бренд е раширена не само во Македонија, туку низ многу европски земји и пошироко. Потенцираат дека ова е шанса заинтересираноста за учество на маратонските трки за идната година да биде уште поголема од претходните.
Најновиот број на магазинот Distance Running, може да се разгледа на официјалната веб страна, а може да се симне и во .pdf формат на следниот линк.