Фудбалската репрезентација на Македонија го одржа првиот тренинг по доаѓањето на Кипар, како дел од подготовките за последниот меч од тековниот циклус во Лигата на нации, дуелот в среда против Ерменија. Селекторот Игор Ангеловски нема на располагање голем дел од стандардните првотимци, но тоа воопшто не ја наруши атмосферата.
Селекторот им се придружи на фудбалерите во дел од тренингот, а се приклучија и новоповиканите фудбалери, Дарко Мицевски, Томе Китановски и Душко Трајчевски. Мотивите се присутни, желбата е да се освои првото место во групата и да се обезбеди пласман во Лигата Б.
