Со одигрувањето на последните два четвртфинални натпревари синоќа беа формирани полуфиналните двојки на Светското првенство во ракомет што се одржува во Шпанија.
Утре во Барселона ќе играат евроспкиот првак Данска против Хрватска и домаќинот на СП Шпанија против Словенија.
Резултати од четвртфиналните натпревари: Хрватска – Франција 30:23, Данска – Унгарија 28:26, Словенија – Русија 28:27 и Шпанија – Германија 28:24.
Денеска на Светското првенство е слободен ден, а шампионатот заврши за сеуште актуелниот светски првак Франција, Германија, Унгарија и за Русија.
Досега на СП без пораз со седум победи се репрезентациите на Хрватска, Словенија и на Данска.