Италијанецот Фабио Фоњини е освојувач на тенискиот АТП турнир Мастер 500 одигран на земјена подлога во Хамбург, Германија.
Во денешното финале Фоњини беше подобар од Аргентинецот Федерико Делбонис и победи со 2:1, по сетови 4:6; 7:6(8) и 6:2.
Италијанскиот тенисер се спаси од пораз одбивајќи три меч топки на Делбонис, за потоа да го добие сетот преку тај-брејк, додека во третиот сет беше убедлив, дозволувајќи му на противникот само два гема.
Наградниот фонд на овој АТП турнир изнесуваше еден милион и сто и педесет илјади евра.
Пред победата во Хамбург, Фоњини го освои и силниот турнир во уште еден германски град. Тој победи и во Штутгарт и очекува скок на АТП листата.