Женската ракометна репрезентација на Црна Гора е вториот финалист на Европското првенство, откако во полуфиналето ја победи Србија со резултат 27:26 (13:14).
Црногорките беа во предност поголемиот дел од натпреварот, а во последните десет минути одржуваа два гола разлика.
Дуелот го следеа 12 илјади и 500 гледачи и со тоа е урнат рекордот на сите европски женски ракометни првенства.
Најефикасна во екипата на Црна Гора беше Милена Кнежевиќ со 8 погодоци, а 6 постигна Катарина Булатовиќ.
Меѓу Србинките, најмногу голови, вкупно 7, постигна Билјана Филиповиќ, Андреа Лекиќ – 5, а Сања Дамјановиќ – 4 погодоци.
Србија за 3-тото место ќе игра во недела во 14:30, против репрезентацијата на Унгарија, а финалето меѓу Норвешка и Црна Гора почнува во 17 часот.