Фудбалската федерација на Македонија (ФФМ) на 5 март ќе одржи редовно Генерално собрание. Ова е одлуката на денешната седница на Управниот одбор на ФФМ на која одборниците решија собранието да се одржи во Скопје.
Воедно, Управниот одбор на ФФМ, ја констатираше оставката на селекторот на футсал репрезентацијата на Македонија, Васко Скендеровски.
Како што се наведува во краткото соопштение на официјалната веб страница на федерацијата, причините за повлекувањето на досегашниот предводник Скендеровски се од лична природа и поради презафатеност со повеќе професионални ангажмани.