ФФМ: Праќајте мотивациони пораки на Фејсбук страната на ФФМ

Фудбалската Федерација на Македонија (ФФМ) креираше Фејсбук апликација преку која фудбалските фанови ќе имаат можност да ги напишат и да ги објават своите најдосетливи пораки и да ги мотивираат  своите херои на теренот.

– Поддршката од фановите е особено важна за македонските фудбалски репрезентативци. Позитивната енергија и мотивацијата можат ида влијаат наконечниот резултат на еден натпревар. Токму за таа цел, со цел да се оствари комуникација со фановите, да се поттикне нивната креативност но и да се даде можност на секој поединец да ја напише својата мотивирачка порака, истакнуваат од ФФМ.

Апликацијата е прикачена на фан страната на ФФМ https://www.facebook.com/FudbalskaReprezentacija фановите можат да ги споделуваат своите пораки, кои ќе бидат видливи за сите и да собираат лајкови. Најдобрите и најлајкуваните дваесет мотивирачки пораки ќе добијат билети за натпреварот Македонија – Белорусија кој ќе се одржи на 27 март, а ќе бидат поставени и во соблекувалната на нашите репрезентативци, како и на автобусот со кој тие патуваат.

Од тие дваесет пораки македонските репрезентативци и селекторот Бошко Ѓуровски ќе изберат една главна порака, која ќе биде наградена со дрес од фудбалската репрезентација на Македонија, а секој од стартните 11 фудбалери ќе одбере своја омилена мотивирачка порака, која ќе биде испечатена на опремата со која тренира.