Шпанскиот ас Давид Ферер е првиот полуфиналист на мастерс турнирот во Мајами. Петиот рекет во светот и трет носител на престижниот турнир на чекор до големото финале дојде по победата од 4-6, 6-3, 6-0 над Јирген Мелцер. Ферер до седмата победа во 9. меѓусебен дуел со Австриецот дојде по нецели два часа игра.
Противник во полуфиналето на Ферер ќе му биде германскиот ветеран Томи Хас, кој со 6-3, 6-1 го преслуша Жил Симон.