Швајцарецот Рожер Федерер кој е прв носител на АТП турнирот во Хамбург одигра тежок четвртфинален меч со домашниот тенисер Флоријан Мајер (Германија) и победи тесно со 7:6(4), 3:6 и 7:5.
Противник на швајцарскиот тенисер на патот кон финалето ќе му биде Федерико Делбонис (Аргентина) кој со пресврт во четвртфиналната фаза го елиминира Фернандо Фердаско (Шпанија) 6:7(5), 7:6(8) и 6:4.
Втората полуфинална двојка ја сочинуваат Фабио Фонињи (Италија) и Николас Алмагро (Шпанија).
Фонињи во четвртфиналето беше поуспешен од вториот носител Томи Хас (Германија), додека Алмагро го елиминира Хуан Монако (Аргентина).