Швајцарецот Рожер Федерер победи на турнирот во германскиот град Хале откако во финалето со 2-0 во сетови го победи Андреас Сепи од Италија. За Федерер ова е вкупно 86. титула во кариерата или осма на овој турнир во неговото десетто финале.
Првиот сет Федерер го доби со 7:6 во тај брекот беше 7:1 на поени, додека во вториот сет Швајцарецот беше поуспешен со 6:4 во гемови. Федерер во 2015 година досега има победено на турнирите во Бризбејн, Дубаи и Истанбул.
Неговиот ривал во финалето Сепи, до финалето стигна откако претходните двајца ривали Гаел Монфис (четвртфинале) и Кеи Нишикори (полуфинале) поради повреди ги предадоа мечевите.
За Федерер ова беше 15.та титула освоена на тревната подлога.