Швајцарскиот тенисер Роџер Федерер го загуби полуфиналето на Мастерсот во Шангај од Хрватот Борна Чориќ со 2-0. По натпреварот, Федерер беше запрашан од новинарите за евентуално негово пензионирање.
– Дали ќе играм тенис и следната сезона? Да! – потенцира се уште вториот светски рекет кој од понеделник ќе падне на третата позиција.
Триесет и седум годишниот Федерер го призна поразот од Чориќ и рече дека противникот подобро сервирал и го удирал топчето.
– Беше подобар. Јас лошо ги започнав двата сета, него му одеше сервисот и тоа пресуди на брзата подлога во Шангај, истакна Федерер.
Чориќ утре во финалето ќе се сретне со Новак Ѓоковиќ.