Оваа сабота во 16:30 часот стружани и сите љубителите на ракометот ќе можат да го проследат езерското дерби помеѓу екипите на РК Струга и РК Охрид во салата ,,Нико Нестор“ во Струга.
Екипата на Струга веќе неколку кола се наоѓа на врвот на табелата, а екипата на Охрид заостанува со минимални 3 бода негатива.
Најавено е присуство на двете навивачки групи ,„Паткари“ од Струга и „Рибари“ од Охрид а раководството на РК Струга го прогласи езерското дерби за натпреварот од голем ризик и укажуваат на фер и корекно навивање и без провокации.
Навивачката група „Паткари“ најавија дека ќе ги бодрат своите играчи, а стружани и сите љубители ги поканија да дојдат и да го проследат езерското дерби и да ја бодрат РК Струга која оваа година има за цел влез во Супер лигата.