Фудбалерите на Евертон и Арсенал одиграа нерешено 1:1 во Ливерпул во натпреварот од 31. коло на Премиер лигата.
Арсенал поведе во 34. минута со голот на Леандро Тросар, а во 49. минута Илиман Ендиаје погоди од пенал за 1:1 и го постави конечниот резултат.
Арсенал го оствари третото реми на последните пет натпревари во Премиер лигата и е на второто место на табелата со 62 бода, а во следното коло ќе се сретне со Брентфорд.
Од друга страна, Евертон е на 14. позиција со 35 бодови и во следното коло ќе му гостува на Нотингем Форест.