На Европското кошаркарско првенство кое се одржува во Словенија стартуваа натпреварите во групната фаза од вториот круг.
Пласман во четвртфиналето веќе обезбеди Србија, а по победата синоќа над Франција на добар пат да го стори тоа е Литванија. И третата репрезентација од групата во која играше Македонија имаше успешен ден. Летонија беше убедлива над Украина.
Постигнати резултати: Летонија – Украина 85:51, Белгија – Србија 69:76 и Литванија – Франција 76:62.
Табела Е група: Србија 6 бодови, Литванија 5, Франција 5, Летонија 4, Украина 4, Белгија 3.
Денеска се играат и првите средби од новоформираната Ф група.
Двојките се: Финска – Хрватска, Грција – Шпанија и Словенија – Италија.
Табела: Италија 4 бодови, Шпанија 3, Словенија 3, Финска 3, Хрватска 3, Грција 2. Првите четирипласирани селекции одат во следната фаза која ќе биде елиминациска.