Кошаркарите на Кливленд ја прекинаа серијата од пет победи на првакот Голден Стејт во НБА плеј офот.
Тие ноќеска во рамките на третиот натпревар од големото финале на домашен терен победија со 120:90 (33:16; 18:27; 38:26; 31:21) и намалија на 2:1 во победи за Голден Стејт.
Предводник во победата беше Леброн Џејмс, кој постигна 32 поена со 11 скокови, а Кајри Ирвинг „уфрли“ 30 поени.
Најдобриот играч на гостите Стеф Кари постигна „скромни“ 19 поени (само два во првото полувреме).
Кливленд натпреварот го одигра без повредениот Кевин Лав.
Следниот натпревар во серијата прв до четири победи се игра ноќта меѓу петок и сабота, повторно на теренот на Кливленд.