Најдобриот кошаркар на Оклахома, Кевин Дурант од лето ќе премине во редовите на актуелниот НБА шампион Голден Стејт, објави ЕСПН.
Дурант на 1. јули станува слободен играч, бидејќи му истекува договорот со неговиот сегашен клуб, а медиумите во САД тврдат дека тој е најблиску до „Вориорс“.
Евентуален трансфер на Дурант за Голден Стејт Вориорс би значело добивање на најдоброто напаѓачко трио во лигата кое би го сочинувале Дурант, Стеф Кари и Клеј Томпсон.
Во досегашниот дел од сезоната, Дурант во просек постигнуваше по 26,5 поени по натпревар, 7,3 скока и 4,7 асистенции.