Екипата на МЗТ Скопје Аеродром го забележа шестиот пораз во регионалната кошаркарска АБА лига, откако вечерва во рамките на 12.коло, загуби на гостувањето кај Партизан со 68:58.
Партизан во последната четвртина имаше +18 (62:44), но „аеродромци“ ја поправија играта во нападот и со серија од 8:0 намалија на 10 разлика која остана до крајот.
Најефикасни во редовите на македонскиот шампион на натпреварот одигран во салата „Пионир“ во Белград беа Дамјан Стојановски со 15 поени и Кејд Дејвис со 11 постигнати поени.