На сите пет досега завршени натпревари од 4.коло во „ТОП 16 фазата“ на кошаркарската Евролига победи остварија гостинските екипи.
Во Е групата синоќа се одиграа три натпревари. Постигнати се следниве резултати: Бросе Баскетс – Анадолу Ефес 76:94, Уникаха Малага – Реал Мадрид 64:72 и Жалгирис – ЦСКА Москва 73:87. Во вторникот Алба Берлин – Панатинаикос 73:79.
На единствениот вчерашен дуел од Ф групата, Бешикташ – Барселона 59:73.
Вечерва се играат останатите три средби од оваа група: Химки – Макаби, Фенербахче Улкер – Каха Лаборал и Олимпијакос – Монтепаски.
Табела Е група: ЦСКА Москва 4-0 (победи-порази), Реал Мадрид 4-0, Анадолу Ефес 3-1, Панатинаикос 3-1, Жалгирис 1-3, Уникаха 1-3, Бросе Баскетс 0-4, Алба Берлин 0-4.
Табела Ф група: Каха Лаборал 3-0 (победи-порази), Монтепаски 3-0, Барселона 3-1, Химки 2-1, Макаби 1-2, Олимпијакос 1-2, Фенербахче Улкер 0-3, Бешикташ 0-4.