Познатиот кошаркар Владе Дивац доживеа сообраќајна несреќа на црногорскиот брег.
Според очевидци, Дивац паднал од својот мотор во близина на Луштица и не можел да стане, па бил пренесен во болница, објави црногорската „Побједа“.
Сега се појавија нови информации за состојбата на легендарниот кошаркар. „Информер“ дознава дека Дивац морал да се подложи на итна операција и дека доживеал фрактура на колкот, како и дека му е поставен вештачки колк.
Како ќе продолжи закрепнувањето на познатиот кошаркар останува да се види.
Дивац е еден од најдобрите српски кошаркари во историјата, а неговата кариера траела 22 години, од Слога од Краљево, преку Партизан до НБА лигата, каде што играл за ЛА Лејкерс, Шарлот Хорнетс, а потоа и за Црвена Звезда за време на локаутот, пред да се врати во НБА во Сакраменто и да ја заврши кариерата со Лејкерс во 2005 година.