Македонскиот плејмејкер Ненад Димитријевиќ, постигна 11 поени во поразот на Хувентуд од Барселона од 80:95, но нашиот млад кошаркар го имаше потегот на натпреварот, можеби и на сезоната во шпанското првенство.
Димитријевиќ во првото полувреме тргна во контранапад и со лажно движење му ја сокри топката на Малколм Дилејни, посрамотувајќи го скапото засилување на евролигашот. Откако му ја направи финтата на Дилејни, Нено продолжи кон кошот и даде кош, а публиката во салата се држеше за глава, и сите беа воодушевени.
Сега Хувентуд е осми на табелата со по седум победи и порази, а тимот е во црна низа од три порази едноподруго.