Шпанската фудбалска федерација (РФЕФ) го продолжи договорот со селекторот Луис де ла Фуенте до крајот на Европското првенство во 2028 година, соопштено е денеска.
Де ла Фуенте (63) имаше договор со РФЕФ до крајот на Светското првенство кое во 2026 година ќе се одржи во САД, Мексико и Канада.
Репрезентацијата ја презеде од Луис Енрике во декември 2022 година, а со националниот тим ја освои Лигата на нации во 2023 година и Европското првенство во 2024 година.