Англискиот фудбалски великан Манчестер јунајтед го назначи денеска својот поранешен играч за врска Дарен Флечер за нов технички директор.
Флечер се врати на „Олд Трафорд“ во јануари годинава како дел од стручниот штаб на тренерот Оле Гунар Солскјер.
Триесетиседумгодишниот Флечер го носеше дресот на Манчестер јунајтед од 2003 до 2015 година, одигрувајќи над 200 натпревари во „ерата на Алекс Фергусон“ под чие раководство освои пет шампионски титули во Англија, а со Манчестер јунајтед триумфираше и во Лигата на шампиони во 2008 година.