Репрезентацијата на Данска во ракомет ја совлада Србија во репризaта на финалето на Европското првенство во ракомет со 26:25, а најзаслужен за победата беше Микел Хансен со 7 погодоци.
Олимпискиот вицешампион репрезентацијата на Исланд на последниот натпревар од 3. коло од ракометниот турнир ја оствари третата победа во групата А и заедно со олимпискиот шампион Франција се наоѓа на врвот на табелата во групата. Исланд ја победи Шведска со 33:32.
На другите натпревари во „Купер бокс“ арената беа постигнати следниве резултати:
А група: Франција – Тунис 25:19, Велика Британија – Аргентина 21:32.
Табела А група: Франција и Исланд по 6 бодови, Шведска 4, Аргентина 2, Тунис и Велика Британија се без бод.
Б група: Шпанија – Јужна Кореја 33:29, Хрватска – Унгарија 26:19 и Данска – Србија 26:25.
Табела Б група: Хрватска и Данска по 6, Шпанија 4, Унгарија 2, Србија и Јужна Кореја се без бод.