Екипата на Црвена Звезда е првиот финалист на „Фајнл фор“ турнирот од АБА лигата што се одржува во Лакташи, Босна и Херцеговина.
Во првото полуфинале, Црвена Звезда попладнево го победи Раднички од Крагуевац со 79:78 во дуел со многу резултатски пресврти и драматичен финиш. По четвртини: 20:27; 21:13; 21:20 и 17:18.
Раднички во последните три минути влезе со предност од седум поени, во последната минута при 78:78, Терико Вајт не погоди ниту едно од двете слободни фрлања, а тоа го казни Вук Радивојевиќ со едно погодено слободно фрлање ама вредно финале и пласман во Евролигата за белграѓани.
Рашко Катиќ со 22 поени беше најефикасен во победничкиот состав, а кај Раднички Александар Чапин постигна 25 поени.
Македонскиот репрезентативец Предраг Самарџиски не доби шанса да настапи за победничкиот тим.
Вечерва од 21 часот во второто полуфинале ќе играат Игокеа и Партизан.