Екипата на Црвена Ѕвезда ја постигна петтата победа во Евролигата, откако синоќа во дуелот од 12. коло убедливо го совлада Макаби со 83:58.
„Црвено-белите“ ги добија сите четири четвртини, а пет играчи кај домашниот тим дуелот го завршија со двоцифрен број поени.
Резултати на досега одиграните дуели од оваа рунда: Уникс Казан – Басконија 91:92, Дарушафака – Реал Мадрид 81:68, Жалгирис – Олимпијакос 75:88, Црвена Звезда – Макаби 83:58 и Бамберг – Анадолу Ефес 91:83.
Вечерва се играат три натпревари: Галатасарај – Армани Милано, ЦСКА Москва – Барселона и Панатинаикос – Фенербахче.
Табела: ЦСКА Москва 10-1 (победи-порази), Фенербахче 8-3, Басконија 8-4, Олимпијакос 8-4,Реал Мадрид 8-4, Панатинаикос 6-5, Дарушафака 6-6, Анадолу Ефес 6-6, Барселона 5-6, Црвена Ѕвезда 5-7, Макаби 5-7, Армани Милано 4-7, Бамберг 4-8, Жалгирис 4-8, Галатасарај 3-8, Уникс Казан 3-9.