МЗТ Скопје го нанижа четвртиот пораз по ред во регионалната Јадранска лига. Белградска Црвена Ѕвезда славеше со 75:60 во салата Борис Трајковски.
На оваа средба своето деби на клупата на МЗТ го имаше новиот стратег Алеш Пипан, кој во четвртокот навечер потпиша договор со македонскиот првак.
Во редовите на нашиот шампион Тодор Гечевски со 12 поени и 8 скока и Ѓорѓи Чековски со 12 поени и 6 скока, двоифрен учинок имаше и Кејд Дејвис 10 поени и 4 скока.
Победничката екипа ја предводеа Игор Ракочевиќ со 16 поени и два скока, асистенции и украдени топки и Растко Катиќ со 16 поени и 10 скока.
По шест одиграни кола во АБА лигата, МЗТ и Црвена ѕвезда имаат идентичен учинок од две победи и четири порази.
Во седмото коло, на 5. ноември МЗТ ќе гостува кај Унион Олимпија во Љубљана.