На женското европско кошаркарско првенство што се одржува во Чешка, денеска на програмата се натпреварите од четвртфиналето.
Во првиот дуел кој ќе се игра од 12:30 часот за место меѓу четирите најдобри ќе се борат кошаркарките на Белгија и Италија.
Победникот од овој натпревар во полуфиналето за противник ќе ја има подобрата селекција од дуелот меѓу Шпанија – Летонија кој на програмата е во терминот од 18 часот.
Вториот полуфинален пар ќе го сочинуваат победниците од дуелите Турција – Грција (од 15 часот) и Франција – Словачка (од 20:30 часот).
Полуфиналните дуели, како и натпреварите за пласман од 5 до 8 место ќе се играат во сабота, а дуелите за медал на програмата се во недела.