Чешката судиска двојка Вацлав Хорачек – Јиржи Новотни се делегирани да го судат дербито на 4.коло во групата Б на Светското ракометно првенството меѓу Македонија и Хрватска.
За Чесите ова е трет натпревар на кој ја делат правдата на овој Мундијал. Претходно ги судеа средбите Шпанија – Белорусија 38:33 и Полска – Аргентина, 24:23.
Македонија и Хрватска на овој натпревар влегуваат со по три победи од првите три кола и најверојатно од исходот ќе зависи која репрезентација ќе го освои првото место во групата, што значи условно полесен противник во осминафиналето.