Смирениот и сталожен Лино Червар, тренерот на македонскиот ракометен шампион Металург, на мечот во Словенија со Горење во 8. коло од Лигата на шампионите, за момент ги загуби нервите.
На тајмаут во првото полувреме, му се нафрли на Словенецот Ренато Вугринец, велејќи му „ти играш против нас, тебе те боли к.. за нас“. Микрофоните го испратија во етерот невкусното прекорување, па многумина останаа изненадени од таквото однесување на искусниот стратег.
„Јас реагирам емотивно. Без зла намера. Kако тренер, не мислам само на ракомет, туку некогаш треба да се размрдаат играчите. Во Словенија имаше и стотина наши навивачи, па за нив требаше да одиграме поборбено. Не може Вугринец да не се враќа во одбрана. Јас тоа му го кажав, и тие што знаат ракомет, нема да ми забележат и ќе ме сфатат. Некогаш треба ваквите работи да се кажат“- објаснува Червар за своето однесување на тајмаутот.