Кошаркарот на МЗТ Скопје, Ѓорѓи Чековски беше најзаслужниот за триумфот на нашиот шампион во дуелот со Партизан и поради одличниот учинок, тој се најде во идеалната петорка за 25-тото коло од Јадранската лига.
Нашиот репрезентативец за 33 минути минати на паркетот во арената Борис Трајковски имаше учинок од 21 поен, девет скока и една асистенција и со вкупно 28 индексни поени тој е веднаш за најдобриот во претпоследната рунда, играчот на Игокеа, Бранко Јоровиќ.
Покрај Чековски и Јоровиќ во идеалната петорка се најдоа уште Дино Муриќ од Унион Олимпија, Гордон Дру Едвард од Партизан и кошаркарот на Цедевита, Марко Билан.