Шпанскиот тенисер Пабло Карено Буста и Кевин Андерсон од Јужна Африка ќе играат во првото полуфинале на Грен слемот US Open во Њујорк.
Во четвртфиналето Буста во три сета го совлада Диего Шварцман од Аргентина со 6:4; 6:4 и 6:2, додека Андресон беше поуспешен од домашниот тенисер Сем Квери со 3-1, по сетови 7:6; 6:7; 6:3 и 7:6.
За двајцата тенисери пласманот во полуфиналето е нивни најголем успех во досегашната кариера.
Во преостанатите два четвртфинални дуела се среќаваат:
Рафаел Надал (Шпанија) – Андреј Рублев (Русија) и
Рожер Федерер (Швајцарија) – Хуан Мартин Дел Потро (Аргентина).