Британскиот велосипедист Финлеј Тарлинг загина за време на осмата етапа на трката „Волта а Португал“. Трагичната несреќа се случи на патеката од Мелгасо до Фафе, долга 166,8 километри.
Според португалскиот јавен сервис RTP, Тарлинг се судрил директно со возило кое не било дел од трката и се движело во спротивна насока. Несреќата се случила на околу 20 километри пред целта.
Трката веднаш била прекината, а церемонијата на доделување на медалите и наградите била откажана во знак на почит кон трагично загинатиот велосипедист.
Тарлинг настапуваше за развојниот тим NSN Development Team и важеше за голем талент на британскиот велосипедизам. Тој беше помладиот брат на Џош Тарлинг, велосипедист кој настапува на највисоко ниво за Ineos Grenadiers.
Од NSN Development Team соопштија дека се скршени од болка поради неговата смрт.
„Фин беше многу сакан член на нашиот тим, но најважно од сè, беше син, брат и пријател на многу луѓе. Многу ќе ни недостига“, соопштија од тимот.