Репрезентациите на Шпанија и Бразил ќе играат во финалето на Светското првенство во Футсал, откако во полуфиналните мечеви, во Бангкок, ги совладаа Италија, односно Колумбија.
Бразилците ја победија Колумбија со 3:1, а стрелци на головите беа Габриел во првата и 48-та минута и Торо (автогол) во 28-та минута. Единствениот гол за Колумбија го постигна Торо во 19-та минута од натпреварот.
Шпанија за пласман во финалето беше подобра од Италија со 4:1. Асис, Алемао, Лозано и Лин беа стрелци на головите за ‘црвената фурија’, единствен стрелец за Италија беше Мерлим.
Финалето кое ќе се одигра в недела ќе биде реприза на последното мундијалско финале, во 2008 година, Бразил ја победи Шпанија, по продолженијата со 4:3.