Еден од најдобрите кошаркари во историјата, Леброн Џејмс, кариерата ќе ја продолжи во тимот на Филаделфија 76ерс.
Џејмс ќе потпише двегодишен договор вреден осум милиони долари, со опција за продолжување на соработката. Последните осум сезони ги мина во дресот на Лос Анџелес Лејкерс.
Џејмс, кој во декември ќе наполни 42 години, минатата сезона го прекина својот рекорден низ од 21 година во Ол-НБА тимовите, откако одигра само 60 натпревари поради ишијас во долниот дел од грбот и десната нога, поради што го пропушти првиот месец од сезоната.
„Не одам поради парите“
По трансферот во Филаделфија, Леброн најави дека се приближува крајот на неговата кариера, но истакна дека верува оти може да му помогне на тимот да стане шампион.
Тој е рекордер во НБА според бројот на одиграни сезони (23), одиграни натпревари (1.622) и постигнати поени (43.440). Во кариерата освои четири шампионски титули – две со Мајами Хит, една со Кливленд Кавалирс и една со Лос Анџелес Лејкерс.
Со неговото доаѓање, Филаделфија добива исклучително силна почетна петорка која ќе биде меѓу главните кандидати за шампионскиот прстен во претстојната сезона.
Покрај Леброн Џејмс, во стартната петорка се очекува да играат Тајриз Макси, ВЈ Еџкомб, Џејлен Браун и Џоел Ембид.
Пред да пристигне во Филаделфија, Леброн Џејмс настапуваше за Кливленд Кавалирс, Мајами Хит и Лос Анџелес Лејкерс.