Славниот српски кошаркар Дејан Бодирога е најсериозен кандидат за нов претседател на ФИБА Европа.
Кошаркарскиот сојуз на Србија дал зелено светло, Бодирога да ја превземе функцијата, на која треба да го наследи Исланѓанецот Олафур Рафнсон, една година пред истекот на неговиот мандат.
Ова ќе се случи само доколку Арбитражниот суд во Лозана ја прифати жалбата на 28 национални федерации, кои бараат вонредно Собрание на ФИБА Европа, што автоматски значи дека ќе се одржат нови избори.
Легендарниот кошаркар ги исполнувал условите за престижната функција, зад себе има импресивна играчка кариера, а во последните две години тој ја обавува функцијата потпретседател на Кошаркарскиот сојуз на Србија.