Анџело Бинаги, претседателот на Италијанската тениска федерација, беше незадоволен од изјавата на Новак Ѓоковиќ по завршувањето на учеството на српскиот натпреварувач на Австралија опен.
Откако го загуби првиот сет (7:6), Ѓоковиќ поради повреда му го предаде мечот на Александар Зверев.
На прес-конференцијата на својот голем пријател му посака среќа во финалето против Јаник Синер.
На Саша му посакувам се најдобро, тој го заслужува својот прв слем и ќе навивам за него во финалето“, изјави Ѓоковиќ.
Бинаги смета дека изјавата била несоодветна.
„Би рекол дека тоа беше голем пад за Ѓоковиќ. Вака да ја заврши кариерата не е многу поучно. “, одговори Бинаги.
Финалето меѓу Синер и Зверев се игра в недела од 09.30 часот.