Откако на првите четири средби (одиграни во четвртокот) во 3.коло од ТОП 16 фазата на кошаркарската Евролигата победи остварија домашните тимови, со ист ефект продолжи и вториот ден од ова коло.
На четирите синоќешни натпревари победи забележаа екипите кои играа пред својата публика. Во дербито од Ф групата, Барселона го совлада Олимпијакос со 76:68. За поразената екипа 20 минути одигра македонскиот репрезентативец Перо Антиќ и оствари ефект од 9 поени и 3 скокови.
Освен Барселона, по два бода освоија и Панатинаикос, Реал Мадрид и Монтепаски.
Резултати 3.коло и табели во групите Е и Ф:
Е група: ЦСКА Москва – Бросе Баскетс 90:83, Панатинаикос – Уникаха 78:73, Анадолу Ефес – Алба Берлин 71:62 и Реал Мадрид – Жалгирис 75:74.
Табела: ЦСКА Москва 3-0 (победи-порази), Реал Мадрид 3-0, Анадолу Ефес 2-1, Панатинаикос 2-1, Жалгирис 1-2, Уникаха Малага 1-2, Алба Берлин 0-3, Бросе Баскетс 0-3.
Ф група: Макаби – Фенербахче Улкер 91:73, Каха Лаборал – Бешикташ 77:51, Монтепаски Сиена – Химки 82:76 и Барселона – Олимпијакос 76:68.
Табела: Каха Лаборал 3-0 (победи-порази), Монтепаски 2-1, Барселона 2-1, Химки 2-1, Макаби 1-2, Олимпијакос 1-2, Бешикташ 0-3, Фенербахче Улкер 0-3.