Крилото на Универзитетот Невада Лас Вегас, Ентони Бенет неочекувано беше првиот избор на годинешниот драфт во НБА лигата.
Се очекуваше дека Кливленд, кој ја доби можноста прв да избира ќе се реши за центарот на Кентаки, Нерленс Ноел на големо изненадување во своите редови го доведе дваесет годишниот Бенет.
Орландо, кој избираше како втор се реши за бекот на Универзитетот Индијана, Виктор Оладипо додека Вашингтон се реши за крилото на Џорџтаун, Ото Портер.
Фаворитот за прв пик на драфот, Ноел беше избран како осми од страна Њу Орлеанс. Вториот фаворит за прв избор, центарот на Мериленд, Алекс Лен од следната сезона ќе го носи дресот на Феникс и тој беше избран како петти пик.