Легендарниот германски тенисер Борис Бекер, по поразот на Новак Ѓоковиќ во финалето на УС Опен од Стан Вавринка, порача дека тимот секогаш треба да биде заедно и дека по невремето доаѓа сонцето.
– Ние сме тим. Ние сме заедно и кога ќе победиме и кога ќе се изгуби. По невремето секогаш доаѓа сонце, напиша Бекер на Твитер и стави до знаење дека поразот во Њујорк нема да го наруши ритамот на српскиот ас.
Светскиот рекет број 1 загуби од Вавринка со 3:1 и пропушти шанса да го освои 13 трофеј од Гренд-слем турнирите.
На овој начин тој ја продолжи лошата серија по освојувањето на Ролан Гарос, бидејќи беше елиминиран во раната фаза на Вимблдон, а потоа и во првиот круг на Олимписките игри во Рио де Жанеиро.