Победа со резултат 90:66 остварија кошаркарите на Барселона на гостувањето во Истанбул против Фенербахче Улкер. На првиот натпревар од 8.коло во ТОП 16 фазата од Евролигата втор стрелец во поразената екипа беше македонскиот репрезентативец Лестер Бо Мекејлеб со 17 поени.
Покрај овој дуел синоќа се одиграа уште три натпревари од оваа рунда. Постигнати се следниве резултати: Макаби – Монтепаски Сиена 92:61, Бросе Баскетс – Уникаха Малага 65:68 и Жалгирис – Панатинаикос 73:78.
Вечерва играат: Химки – Бешикташ, Анадолу Ефес – ЦСКА Москва, Олимпијакос – Каха Лаборал и Реал Мадрид – Алба Берлин.
Табела Е група: Реал Мадрид 6-1 (победи-порази), Анадолу Ефес 6-1, ЦСКА Москва 5-2, Панатинаикос 5-3, Уникаха Малага 4-4, Жалгирис 3-5, Алба Берлин 1-6 и Бросе Баскетс 0-8.
Табела Ф група: Барселона 7-1 (победи-порази), Монтепаски Сиена 6-2, Химки 4-3, Каха Лаборал 4-3, Олимпијакос 4-3, Макаби 3-5, Фенербахче Улкер 2-6 и Бешикташ 0-7.