Адвокатот на поранешниот германски интернационалец Михаел Балак изјави дека неговиот клиент не може да плати 10 илјади евра поради пребрзо возење во средината на октомври во Шпанија.
Хесус Галегро Рол напомена дека Балак е невработен од октомври и не може да издвои толкава сума на пари.
„Тоа што Балак е славен фудбалер не значи дека има и пари“, рече Рол.
36-годишниот Балак, на 17-ти октомври е приведен поради пребрзото возење – возел 211 километри на час.
Балак своевремено, додека играше за Челси, заработуваше по 150 илјади евра неделно. Германскиот интернационалец во октомври ја заврши кариерата.